ဇွန်လ ၀၂/၂၀၁၁ခုနှစ်
 |
| ပြောင်းစေအမိန့်ဖြင့် နှင်ထုတ်ခံရခြင်း အစီရင်ခံမှ အရှေ့မျက်နှာ |
ပေါင်းလောင်းဆည်သည် ၂၀၁၂ခုနှစ်အတွင်းတွင် အပြီးစီးတည်ဆောက်မည်ဖြစ်သောကြောင့် ပေါင်းလောင်းဆည်အနီးအနားတွင် နေထိုင်ကြသည့် ကျေးရွာပေါင်း ၂၃ရွာသည် ၂၀၁၁ခုနှစ် အောက်တိုဘာလ နောက်ဆုံးထားပြီး ပြောင်းရွေ့သွားရမည်ဟု စစ်အစိုးရက အမိန့်ပေးထားသည်။ ယခုချိန်ထိ ၎င်းကျေးရွာလူထုများသည် တစ်အိမ်မှ ပြောင်းရွေ့နေထိုင်ခြင်း မရှိသေး။ အကယ်၍ ရေတက်လာလျှင် တစုံတခုဖြစ်သွား၍ တာဝန်မယူဘူးဟု စစ်အစိုးရက ပြောသွားသည်ဟု သိရှိရပါသည်။
`တချို့က ပြောင်းရမည့် မြေနေရာကိုရွေးထားတယ် တချို့က ဘယ်နေရာကိုပြောင်းရွေ့ ရမှန်းမသိသေးဘူး။
ဒါပေမဲ့ စစ်အစိုးရက အောက်တိုဘာနောက်ဆုံးထားပြီး ပြောင်းရွေ့ ဖို့ အမိန့် ပေးထားတယ် `ဟု ကယန်းမျိုးဆက်သစ်လူငယ်မှ မူမိုးလေးက ပြောသည်။
 |
| ပေါင်းလောင်းဆည် စီမံကိန်း |
၎င်းပေါင်းလောင်းဆည်သည် ရှမ်းပြည်နယ်အတွင်း တည်ရှိသည့် ပေါင်းလောင်းမြစ်အထက်ပိုင်းတွင် ရေအားလျှပ်စစ်စီမံကိန်းတစ်ခုဖြင့် တည်ဆောက်နေပါသည်။ လျှပ်စစ်ဓာတ်အား ၁၄၀ မီဂါဝပ်ဖြင့် ထုတ်လုပ်ရန် လျာထားသည်။ ၎င်းဆည်သည် နေပြည်တော်၏ အရှေ့တောင်ဖက် ၅၀ ကီလိုမီတာအကွာတွင် ရှိနေပါသည်။ တည် ဆောက်မှုလုပ်ငန်းများသည် ၆၀% မျှ ပြီးစီးနေပြီ ဖြစ်သည်။
၎င်းဆည်သည် ဆွီဇာလန်နိုင်ငံမှ Af Colenco ကုမ္ပဏီကို တည်ဆောက်ရေး အင်ဂျင်နီယာဒီဇိုင်း လုပ်ငန်းများအတွက် ငှားရမ်းခဲ့ပြီး ရေကာတာတည်ဆောက်ရေးလုပ်ငန်းများကိုလည်း ကြီးကြပ်လျှက် ရှိနေပါသည်။ လန်ဒန်အခြေစိုက် Malcom Dustan Associates (မဲလ်ကွမ်နှင့် လုပ်ဖော်ကိုင်ဖက်များ)၊ တရုတ်နိုင်ငံမှ ယူနန်အကြီးစား စက်ပစ္စည်းများ ပြည်ပတင်ပို့ရေးကုမ္ပဏီ (Yunnan Machinery and Export Company) တို့က ၎င်းစီမံကိန်းတွင် ပါဝင် လုပ်ဆောင်နေကြပါသည်ဟု ကယန်းမျိုးဆက်သစ်လူငယ်မှ ထုတ်ပြန်ကြေညာချက်တွင် ဖော်ပြထားသည်။
ထိုစီမံကိန်းသည် မြန်မာစစ်အာဏာပိုင်များက ဥရောပနှင့် တရုတ်ကုမ္ပဏီများ ပူးပေါင်းပြီး တည်ဆောက်မည့် ရေအားလျှပ်စစ်စီမံကိန်းအတွက် ရေကာတာတည်ဆောက်ရေးလုပ်ငန်း ပြင်ဆင်မှုအနေဖြင့် ပြည်သူပေါင်း ၈,၀၀၀ ကို သူတို့၏ အိုးအိမ်များမှပြောင်းရွှေ့ရန် အမိန့် ပေး နှင်ထုတ်ခဲ့ပါသည်။ ဤစီမံကိန်းမှ ရရှိလာသော လျှပ်စစ်ဓာတ်အားကို မြန်မာနိုင်ငံ မြို့တော်သစ် နေပြည်တော်သို့ ပို့ဆောင်ရန် ရည်ရွယ် ထားသည်ဟု ကယန်းမျိုးဆက်သစ်လူငယ်မှ မြန်မာနိုင်ငံတွင် ဥရောပ-တရုတ် ပူးပေါင်းတည်ဆောက်မည့်ရေကာတာစီမံကိန်းကြောင့် လူပေါင်း ၈,၀၀၀ ကျော် အိုးအိမ်အခြေပျက် ပြောင်းရွှေ့ရဖွယ် ရှိနေခြင်း ထုတ်ပြန်ချက်တွင် ဖော်ပြထားပါသည်။
``ဘာမှတော့မဟုတ်ဘူး ဒါပေမဲ့ အာဏာပိုင်က တကယ်လို့ မပြောင်းဘူးဆိုရင် ရေတက်လာလို့ တခုခု ဖြစ်ရင် တာဝန်မယူတဲ့ အကြောင်းပြောခဲ့တယ်``ဟု ကယန်းမျိုးဆက်သစ်လူငယ်မှ မူမိုးလေးက ပြောသည်။
 |
| ပြောင်းရွေ့ခံရမည့် ကျေးရွာမှ အိမ်တစ်လုံး |
ထိုပေါင်းလောင်ဆည်တည်ဆောက်ခြင်းဖြင့် စစ်အစိုးရများက အတင်းအဓမ္မလုပ်အားစေခိုင်းခြင်း၊ အိမ်မြေနေရာပြောင်းရွေ့ခိုင်းခြင်း၊ ခြိမ်းခြောက်ခြင်း၊ လစဉ်ကြေးကောက်ခံခြင်း၊ လွတ်လပ်စွာ ယုံကြည်ပိုင်ခွင့် ပိတ်ပင်ခြင်းနှင့် လွတ်လပ်စွာ တောင်ယာလုပ်ခွင့် တားမြစ်ခြင်းစသည့် မသိရှိသေးသည့် လူ့အခွင့်အရေးချိုးဖောက်မှုများကိုလည်း ရှိနေနိုင်ပါသည်။
 |
| ပေါင်းလောင်းမြစ် |
တည်ဆောက်သည့် ပေါင်းလောင်းဆည်ကြီးသည် (၆၁)စတုရန်း ကီလိုမီတာ ကျယ်ပြီး ကျေးရွာပေါင်း (၂၃)ရွာ ရေလွမ်းမိုးသွားမည်ဖြစ်၍ လူဦးရေ (၈၀၀၀)ကျော်လောက် အိုးမဲ့အိမ်မဲ့ဖြစ်မည်။ ထိုဆည်လှောင်တာမံသည် ပြီးခဲ့သည့် ၂၀၀၄ခုနှစ်တွင် စတင်ခဲ့ပြီး ၂၀၀၉ခုနှစ်မှာ အပြီးသတ်ရန် ရည်ရွယ်ထားခဲ့သော် မပြီးစီးသေးသည့်အပြင် လာမည့် ၂၀၁၂ခုနှစ်တွင် ပြီးစီးမည်ဟု မျှော်လင့်ထားကြောင်း ကယန်းမျိုးဆက်သစ်လူငယ်မှ ထုတ်ပြန်သည့် အစီရင်ခံစာတွင် ဖော်ပြထားသည်။
Comments
Post a Comment