မိုးဗြဲမြို့တွင် စစ်ရေးတင်းမာနေလို့ ဒေသခံ‌များ အိမ်မပြန်ကြသေးဖို့ လွိုင်ကော် PDF သတိပေး

ဧရာဝတီတိုင်းမ်

စက်တင်ဘာလ ၂၂ ရက်

မိုးဗြဲမြို့ပေါ်မှာ အာဏာသိမ်းစစ်ကောင်စီတပ်သားတွေနဲ့ ဒေသခံပြည်သူကာကွယ်ရေးတပ်ဖွဲ့ဝင်တွေအကြား စစ်ရေးတင်းမာမှုတွေရှိနေတာကြောင့် ဒေသခံပြည်သူတွေအနေနဲ့ အိမ်မပြန်သေးဖို့ လွိုင်ကော် PDF က စက်တင်ဘာလ ၂၁ ရက်နေ့ ညပိုင်းမှာ သတိပေးစာထုတ်ပြန်ခဲ့ပါတယ်။ 

စစ်ကောင်စီတပ်သားတွေနဲ့ ဒေသပြည်သူ့ကာကွယ်ရေးတပ်ဖွဲ့တွေဖြစ်တဲ့ မိုးဗြဲ PDF ၊ လွိုင်ကော် PDF ၊ ဖယ်ခုံ PDF B-01 ၊ အလယ်ပိုင်းတိုင်းအထူးစစ်ဆင်ရေးတပ်ဖွဲ့၊ DMO 1107 တပ်ရင်း၊ နေပြည်တော် PDF၊ KNDF၊ KA၊ KGZ၊ URF တို့အကြား စက်တင်ဘာလ ၁၉ ရက်နေ့ကစတင်ကာ တိုက်ပွဲတွေဖြစ်ပွားခဲ့တာလို့ ဆိုပါတယ်။

စက်တင်ဘာလ ၂၁ ရက်နေ့အထိ ၃ ကြာတိုက်ပွဲတွေအတွင်း စစ်ကောင်စီဘက်က အထိခိုက် ကျဆုံးတာ များပေမယ့် အရေအတွက် အတည်ကျမသိရသေးသလို ပြည်သူ့ကာကွယ်ရေးတပ်ဖွဲ့ဝင်တွေအနေနဲ့ စစ်ကောင်စီကို ကြံကြံခံ ခုခံနေတယ်လို့ သတင်းထုတ်ပြန်ချက်တွေအရ သိရပါတယ်။ 

အာဏာသိမ်းစစ်ကောင်စီတပ်ဖွဲ့ဝင်တွေက စက်တင်ဘာလ ၁၉ ရက်နေ့က ဓားစာခံအဖြစ် ဖမ်းဆီးသွားတဲ့ မြို့နေ ပြည်သူ ၁၀၀ ကျော်ကိုလည်း ၃ ရက်ကြာတဲ့အထိ ပြန်မလွှတ်ပေးသေးဘူးလို့ ဆိုပါတယ်။

ဓာတ်ပုံ - PDF Loikaw