၁၂ရက် မတ်ခ်ျ ၂၀၁၁ခုနှစ်
ထိုင်းနိုင်ငံ - မယ်ဟောင်ဆောင်ခရိုင်ရှိ ကရင်နီဒုက္ခသည်အမှတ်(၁)စခန်း ရပ်ကွက်(၁၃)၌ မတ်၁၂ရက်နေ့မနက်(၃)နာရီအချိန်လောက်တွင် အိမ်(၂၀)လုံး အိမ်မီးလောင်သွားသည်။
အသက်(၁၄-၁၅)နှစ်ရှိ ကလေးတစ်စုက ရပ်ကွက်(၁၃) တင်မောင်၊ နမို၊ သားဌေးရယ်အိမ်၌ လာရောက်စုအိပ်နေကြပြီး ထိုင်းရွာဖြစ်သည့် နမ်းဆွယ်ရွာသို့ ကြက်သွန်သွားရောက်နှုတ်ရန် မနက်စောစော ထမင်းဟင်း ထချက်နေကြပြီး မီးကို မငြိမ်းစေခဲ့ပဲ ထသွားနေကြသဖြင့် နောက်မှ မီးဖိုကနေ စလောက်သည်။ အိမ်ရှင်ဖြစ်သည့် ဌေးရယ်က ကျန်နေခဲ့ပြီး အိမ်မီးလောင်နေသည်ကို အိမ်ပတ်ဝန်းကျင် မပြောပြပဲ ရပ်ကွက်(၅-၆)၌ သွားအိပ်နေသော သူ့အမေနမိုဆီသို့ သွားရောက်ပြောပြသည်။
ထိုအိမ်ကို မိဘများ အိမ်မှာ မအိပ်ပဲ ဌေးရယ်နှင့် အဖော်သူငယ်ချင်းများ အတူဝိုင်းအိပ်နေကြသည်ဟု သိရှိရသည်။
အိမ်အလုံး(၂၀)လောက် မီးလောက်ခံရပြီး အိမ်အလုံး (၂၇)လုံးက ကြိုတင် ကာကွယ်သည့် အနေဖြင့် ဖြုတ်ချပစ်ခဲ့သည်။ လူထိခိုက်နစ်နာမှုမရှိသည့်အပြင် အိမ်မွေးတိစ္ဆာန်များ အချို့ ဆုံးရှုံးသွားရသည်။
ပြီးခဲ့သည့် နှစ်တွင် ကရင်နီဒုက္ခသည်အမှတ်(၁)စခန်း ရပ်ကွက်(၄)တွင် အိမ်အလုံး(၇၄)အိမ် မီးလောင်သွားသည်။
Comments
Post a Comment