ကယားအစ ကရင်နီက

ရေးသားသူ - ကန္တာရ၀တီတိုင်း(မ်)  
တနင်္လာနေ့, 01 ဖေဖော်ဝါရီလ 2010 09:44 

“ဗမာက ကျနော်တို့ကို ကရင်နီကနေ ကယားလို့ ပြောင်းလဲခေါ်တာ ဘယ်သူက သွားသဘောတူရမှာလဲ။”

အေးမြလှတဲ့ ညချမ်းရာသီဥတုချိန်ခါကို အန်တုပြီး လွိုင်ကော်မြို့ရဲ့ ချိကယ်-ထျေးသမရွာ အနောက်ဘက်က ကန္ဒရ၀တီအားကစား ရေပြင်ထဲကို ၀င်ရောက်နိုင်ဖို့ အလုအယက် တန်းစီပြီး တိုးဝင်နေရတယ်။ နာရီဝက်ခန့်လောက် တိုးနေရလို့ အသက်ကိုတောင် မနည်းရှူနေရချိန်မှာတော့ ရေလှိုင်းလိုပါပဲ လူလှိုင်းနဲ့အတူ ပြည်နယ်အားကစားရုံထဲ ရောက်သွားခဲ့တယ်။

အထဲမှာတော့ တစ်သောင်းတန်၊ ခုနှစ်ထောင်တန် ဈေးသတ်မှတ်ထားတဲ့ နေရာတွေကို သံဆူးကြိုးတွေနဲ့ ၀ိုင်းရံထားပြီး၊ သံဆူးကြိုးနောက်ဘက်မှာက သုံးထောင်တန်လို့ သတ်မှတ်ထားတဲ့ နေရာအဆင့်အမျိုးမျိုးတွေမှာ လူတွေအပြည့် နေရာယူထားကြပါတယ်။

ကရင်နီပြည်က ကရင်နီတယောက်အနေနဲ့ လက်တွေ့ဘ၀မှာ မမြင်ဖူးသေးတဲ့ “(၅၈) ကြိမ်မြောက် ကယားပြည်နယ်နေ့နဲ့ Iron Cross” အမှတ်အသားလေးကို အံ့သြလောက်အောင် ငေးမောနေမိခဲ့တယ်။

တိုင်းရင်းသား လူငယ်မောင်မယ်တွေ မိမိတို့ရဲ့ ပြည်နယ်နေ့ကို ထာဝစဉ် အမှတ်ရနေစေအောင် နှစ်စဉ်နှစ်တိုင်း ယခုလို ဇန်န၀ါရီလ ၁၅ ရက်နေ့မှာ ရိုးရာယဉ်ကျေးမှု အကပဒေသာ၊ ရိုးရာဝတ်စားဆင်ယင်ထုံးဖွဲ့မှုပြိုင်ပွဲ၊ တူရိယာပြပွဲ စတာတွေကို ခြိမ့်ခြိမ့်သဲ ကခုန်ပျော်မြူးစွာ ကျင်းပလျက်ရှိခဲ့ကြတယ်။ ယခု ၂၀၁၀ ခုနှစ် ကျနော်တို့ရဲ့ ကယားပြည်နယ်နေ့ အခမ်းအနားပွဲတော်ကို ယခုလို အဆိုတော်နာမည်ကြီး IC နဲ့တွဲပြီး တစ်ခါမှ မကြုံတွေ့ခဲ့ရဖူးပါဘူး။

မလာစဖူး အလာထူးနေတဲ့ ဧည်သည်တော် Iron Cross ရဲ့ တေးဂီတဖျော်ဖြေရေး အစီအစဉ်ကြောင့် ကယားပြည်နယ်နေ့ရဲ့ ပွဲတော်ဟာ ခါတိုင်းနှစ်ထက် ပိုပြီး စီကားနေသလိုပါပဲ။ ကိုလေးဖြူကနေပြီးတော့လည်း အပြုံးလေးနဲ့ “တစ်ခါမှ စိတ်ကူးမယဉ်ခဲ့ဖူးတာ ခုတော့ ပင်လောင်း၊ အောင်ပန်းဖြတ်ခဲ့လို့ ရွှီးခနက်ဆို ကယားပြည်နယ်နေ့ကို ရောက်လာခဲ့ ဒါဟာ ပထမဆုံးအကြိမ်ပါ” လို့ ဂါရ၀ပြု နုတ်ခွန်းချွေလိုက်ချိန်မှာတော့ ပရိသတ်တွေ အားလုံးရဲ့ သြဘာသံက IC တို့ရဲ့ ဂီတ သံစဉ်ထက် ပိုပြီး ဟိန်းထွက်သွားပါတော့တယ်။

ဒီနှစ်ကျရောက်တဲ့ (၅၈) ကြိမ်မြောက် ကယားပြည်နယ်နေ့ဟာ IC ဖျော်ဖြေပွဲနဲ့ စည်ကားနေတယ်လို့ ဆိုရမှာပါ။ ပွဲရဲ့ မိန့်ခွန်းတွေမှာ ကရင်နီကို ကိုယ်စားပြုတဲ့ ရွာမိရွာဖ ခေါင်းဆောင်ကြီးတွေ မပါဘဲ စစ်တပ်ကသာ နေရာယူပြီး တပ်မတော် အကြောင်းအရာတွေကိုပဲ ၀ါဒဖြန့်ခဲ့ကြတယ်။

သမိုင်းကို လက်လှန်းမှီပြီး သက်ရှိထင်ရှားကျန်ရစ်နေကြသေးတဲ့ ခေါင်းဆောင်ပိုင်းတွေဆီက ပြန်လည်လေ့လာကြည့်တော့ ဒီပွဲဟာ “ကရင်နီကို ကယား” အဖြစ် ပြောင်းလဲလိုက်တဲ့ ပွဲတခု ဖြစ်နေပါတယ်။

၁၉၅၂ခုနှစ် မြန်မာပြည် လွတ်လပ်ရေးရပြီးတဲ့နောက်  ဗိုလ်ချုပ်ကြီးနေ၀င်း အာဏာသိမ်းယူတဲ့ အချိန်ကနေစပြီး ကရင်နီပြည်ကို ကယားပြည်အဖြစ် ပြောင်းလဲခေါ်ဝေါ် သတ်မှတ်မှုတွေ ပေါ်ပေါက်လာခဲ့ပါတယ်။

မြန်မာပြည် လွတ်လပ်ရေးမရခင်၊ စောဖြာတွေ အုပ်ချုပ်လာတဲ့ လက်ထက်ကတည်းက ကရင်နီပြည်ကို ကရင်နီပြည်လို့ အသိအမှတ်ပြုခေါ်ဆိုကြပြီး ပြည်နယ်တွင်းမှာ ရှိကြတဲ့ ကယား၊ ကယန်း၊ ကယော၊ မနူး၊မနှော၊ ယင်းဘော်၊ ယင်းသလဲစတဲ့ လူမျိုးစုတွေ အားလုံးကို ကိုယ်စားပြုပြီး ကရင်နီအမျိုးသားများဟုခေါ်ဆိုသတ်မှတ်ကြတာပါ။

“ကရင်နီဆိုတာ ရှေးကတည်းက သမိုင်းအရ ရှိတဲ့ စကားလုံး။ ကယားဆိုတာ ၁၉၅၂ ခုနှစ်မှ ဗမာပြည် လွတ်လပ်ရေး ရရှိပြီးတဲ့နောက် သူတို့ ခေါ်တာ။ ဗမာက ကျနော်တို့ကို ကရင်နီကနေ ကယားလို့ ပြောင်းလဲခေါ်တာ ဘယ်သူက သွားသဘောတူရမှာလဲ။ သူတို့က ကျနော်တို့ သမိုင်းကို ပျောက်ကွယ်သွားအောင် လုပ်ချင်တော့ ကယားလို့ ပြောင်းသွားတယ်။ ကျနော်တို့ သမိုင်းအရ အခုချိန်ထိ ကရင်နီလို့ ခေါ်လာတာ အဲဒီအတွက်ကြောင့်ပဲ ဖြစ်တယ်။ အခုချိန်ထိ တိုက်ခိုက်ကြတာလည်း အဲဒီအတွက်ကြောင့်ပဲ ဖြစ်တယ်လေ” လို့ စောဖျာမျိုးနွယ်ထဲမှ လက်ရှိ ကျန်ရစ်နေသေးတဲ့ ကရင်နီအမျိုးသားခေါင်းဆောင် ခူးထဲဘူးဖဲက ပြောပါတယ်။

“ဘာဖြစ်လို့ သဘောမတူသလဲဆိုတာ အခုဆိုရင် ခင်ဗျားတို့ ထိုင်းနိုင်ငံမှာ ထွက်ပြေးခိုလှုံနေရတယ် မဟုတ်လား။ ခင်ဗျားတို့ လာရောက်နေထိုင်နိုင်တာ ဘာအတွက်ကြောင့်လဲ ကရင်နီတော်လှန်ရေး အတွက်ကြောင့်ပဲလေ။ အဲဒါ ခင်ဗျားတို့ ရာဇ၀င်သမိုင်းကို သိဖို့ သင့်တယ်။ ကယားဆိုတာ ဗမာ ခေါ်တာလေ။ ကျနော်တို့ ကရင်နီတော်လှန်ရေးကို ပျက်ပြားအောင် လုပ်ချင်တယ်၊ ကျနော်တို့ ကရင်နီသမိုင်းကို ပျောက်ကွယ်သွားအောင် လုပ်ချင်တော့ ခေါ်တာပဲလေ။”

ကရင်နီကနေ ကယား ဖြစ်ပေါ်ခဲ့တဲ့ အကြောင်းအရင်းကို မြန်မာပြည်စစ်အစိုးရ အဆက်ဆက်ကို လက်နက်ကိုင်တဲ့ နည်းလမ်းနဲ့ နိုင်ငံရေးနည်းလမ်းတို့ဖြင့် အတူပူတွဲပြီး ဆက်လက်တော်လှန်တိုက်ခိုက်နေတဲ့ ကရင်နီအမျိုးသား တိုးတက်ရေးပါတီ ကေအဲန်ပီပီ ဥက္ကဌ ခူးထဲဘူးဖဲက ရှင်းပြသွားတာ ဖြစ်ပါတယ်။

ဆက်လက်ပြီး ကယားဒေး ဖြစ်ပေါ်လာခဲ့ရတဲ့ အဖြစ်မှန် သမိုင်းအကြောင်းအရင်းကို ထိုင်းနိုင်ငံမှာ ရှိနေတဲ့ ပြည်ထောင်စုတိုင်းရင်းသား ဒီမိုကရေစီအဖွဲ့ချုပ်-လွတ်မြောက်နယ်မြေ (ယူအဲန်အယ်လ်ဒီ)ရဲ့ ဥက္ကဌလည်းဖြစ် ဖယ်ခုံမြို့နယ် လွတ်တော်ကိုယ်စားလှယ်လဲဖြစ်တဲ့ ကယန်းအမျိုးသား ခွန်မားရ်ကိုဘန်းက ယခုလို ရှင်းပြပါတယ်။

“အရင်တုံးကဆိုရင် ကလူပွပွဲတော်ဆိုပြီးတော့ ဖားစည်ပွဲတော်ပေါ့လေ။ အဲဒါကျင်းပတာ ဖြစ်တယ်။ အဲ့ဒီလိုကျင်းပတာကနေပြီးတော့ ၁၉၄၇ ခု ဖွဲ့စည်းပုံမှာပေါ့လေ။ ဦးစိန်နဲ့ စောဝနကနေပြီးတော့ ဦးနုဆီကို သွားပြီးတော့ ကျနော့တို့ ကရင်နီပြည်ကိုလဲ ပြည်တောင်စုထဲမှာ ပြည်နယ်တခုအဖြစ် ထည့်ပေးပါလို့ တောင်းဆိုတယ်။ အဲလိုသွားတောင်းဆိုတော့ ဦးနုကနေပြီးတော့ တရားဥပဒေချုပ်က ဧည့်ဂမဟာစည်သူ ဦးမြင့်သိန်း ဖြစ်တယ်။ ကရင်နီပြည်ဟာ သီးခြားလွတ်လပ်တဲ့ပြည် ဖြစ်တယ်။ အခုက အုပ်ချုပ်တဲ့ စောဖျာရဲ့ သဘောထားလည်း မပါဘူး။ ကရင်နီပြည်သူလူထုရဲ့ သဘောထားလလည်း မပါဘူးဆိုရင် ထည့်လို့ မရဘူးဆိုပြီးတော့ ဥပဒေအရ ဦးမြင့်သိန်းက အဲ့လိုပြန်ဖြစ်တယ်။ အဲဒီနေ့ရက်က ဘာနေ့လဲဆိုတော့ ၁၉၄၇ ခု ဒီဇင်ဘာလ ၂၇ရက် ဖြစ်ပါတယ်။ ဦးနုကလဲ ထည့်ပေးလိုက်ပါ။ ပြဿနာဖြစ်စရာ အကြောင်းမရှိဘူး ဆိုပြီးတော့ ထည့်ပေးလိုက်တယ် ဆိုပြီးတော့ အတိအကျ ဧည့်ဂမဟာစည်သူ ဦးမြင့်သိန်းရဲ့ ကိုယ်တိုင်လက်ရေးနဲ့ အတိအကျ ဖေါ်ပြထားတာရှိပါတယ်။ ၁၉၄၈ခု ဖေဖေါ်ဝါရီလ လွတ်လတ်ရေးရတဲ့ အချိန်မှာ ကရင်နီက အလိုအလောက် အဲဒီပြည်ထောင်စုမြန်မာနိုင်ငံထဲမှာ ပြည်နည်တခုအဖြစ် ပါလာတာ။ အဲဒါကြောင့် ဒီကနေပြီး ဘယ်လိုလုပ်လိုက်လဲဆိုတော့ အရင်တုံးက ကလူပွဲတော်ကျင်းပလာတဲ့ ကနေပြီးတော့ ကယားဒေးဆိုပြီးတော့ ကယားရဲ့ အမျိုးသားနေ့ဆိုပြီးတော့ အဲလိုရှိအဓိပ္ပါယ် ဖြစ်ပါတယ်။”

ကရင်နီပြည်ထဲမှာ နေထိုင်ကြတဲ့သူတိုင်း အထူးသဖြင့် တက်သစ်စလူငယ်လေးတွေအနေနဲ့ ကိုယ်မွေးဖွားကြီးပြင်းလာတဲ့ ပြည်နယ်ရဲ့ ဖြစ်ပျက်ပြောင်းလဲလာခဲ့တဲ့ အဖြစ်အပျက်မှန် သမိုင်းအကြောင်းလေးတွေကို လေ့လာသိရှိနိုင်ဖို့ အခွင့်အလမ်းတွေ မရှိကြပါဘူး။

ကယားပြည်နယ်နေ့ဟာ ဘာကြောင့် ဖြစ်လာရတာလဲ၊ ဘယ်လိုဖြစ်လာရတာလဲ ဆိုတာထက် ယခု (၅၈)ကြိမ်မြောက် ကယားဒေးနေ့မှာ ထောင်နှင့်ချီပြီး စီတန်းနေတဲ့ လူအုပ်ကြီးကတော့ လေးဖြူ၊ အငဲ၊ မျိုးကြီး၊ ၀ိုင်ဝိုင်း၊ ဟန်ထွန်း၊ ချမ်းချမ်းတို့ ပါတဲ့ IC တေးဂီတဖျော်ဖြေရေး အဖွဲ့တွေက ဘာကြောင့် ယခုချိန်ခါမှ လာရတာလဲ ဘယ်လိုလာကြတာလဲဆိုတာ ပိုပြီး စိတ်ဝင်စားနေကြတာတော့အမှန်ပါပဲ။

IC တေးဂီတ အဖွဲ့တွေကို နယ်ခြားစောင့်တပ် အဖွဲ့အစည်းကနေပြီးတော့ အပြီးအစီး သိန်းလေးရာ အကုန်ကျခံပြီး ဖိတ်ခေါ်ထားခြင်းကြောင့် လာရောက်ဖျော်ဖြေခြင်း ဖြစ်တယ်လို့ သိထားပါတယ်။

လွန်ခဲ့တဲ့ ဆယ်နှစ်ကျော်လောက်ကတော့ ကိုအငဲနဲ့ ကိုချစ်စမ်းမောင်တို့က လာခဲ့ဖူးပါတယ်။ “ကျနော်ဒီနေ့ ဒုတိယအကြိမ် လွိုင်ကော်သားတွေနဲ့ ထပ်ဆုံတွေ့ရလို့ ၀မ်းသာတယ်။” လို့ ကိုအငဲက ဆံနွယ်လေးတွေ တပ်ပြီး အားရှိပါးရှိ ပြောသွားပါတယ်။

ကိုလေးဖြူကနေပြီးတော့ သံယောဇဉ်ဆိုတဲ့ သီးချင်းကို သီဆိုပြချိန်မှာတော့ ပရိသတ်အားလုံးဟာ ပျော်ရွှင်စွာနဲ့ ကခုန်မြူးတူးအားပေးနေကြတယ်။ ကိုလေးဖြူကို အားပေးသံတွေနဲ့အတူ ကျနော်တို့ရဲ့ အနောက်ဘက်က လုံခြုံရေးတပ်၊ နယ်ခြားစောင့်တပ်တွေကလဲ ရုတ်ရုတ်သဲသဲ ဖြစ်နေတဲ့ လူငယ်တချို့ကို ထိန်းနေရတာတွေ့ရတယ်။

“ရန်ဖြစ်တာတဲ့၊ အခြေအနေမကောင်းဘူး” လို့ တစ်ယောက်တစ်မျိုးဆီက ကောလဟာလတွေကို ကြားနေရတဲ့ ခဏတာအတွင်းမှာပဲ ကိုလေးဖြူက “အားလုံးအဆင်ပြေတယ်နော်” လို့ ပွဲထိန်းပေးသလိုမျိုး ဆက်လက်သီဆိုဖျော်ဖြေခဲ့ရာမှ အားလုံးက ပကတိအတိုင်း ပြန်ဖြစ်သွားပါတယ်။

IC တို့ရဲ့ ကယားပြည်နယ်နေ့ ဖျော်ဖြေရေးဟာ ကယားမြေက ပရိသတ်တွေဟာလည်း အားကာစားရေပြင်နဲ့အပြည့် ရှိနေခြင်းကြောင့် ကိုလေးဖြူတို့နဲ့ ဦးဆုံးတွေ့ရတဲ့ ပျော်ရွှင်မူဟာ ပေါက်ကွဲထွက်ကျလာတဲ့ လူငယ်တွေမို့လို့ ရုတ်ရုတ်သဲသဲ ဖြစ်ရတာပါ။

“ပရိသတ်တွေ အဲလောက်အများကြီး ကြည့်ချင်နေကြပါလျက်နဲ့ ကျနော်တို့မှာ တာဝန်ရှိတယ်နော်၊ နောင်နှစ်များမှာလည်း ကျနော်တို့လာချင်ပါသေးတယ်။” လို့ ကိုလေးဖြူက ပြောသွားပါတယ်။

ကရင်နီပြည်ကို မဟူရာနယ်မြေ ဆိုပြီး အမှောင်ချထားခြင်း ခံရတာပါ။ ဖိတ်ခေါ်ချင်ရင် အလွယ်လေးပါ၊ လာချင်ရင် အနီးလေးပါ။ ဒါကြောင့် လာလှည့်ပါ၊ ကရင်နီပြည်က သာယာလှပပြီး ချစ်စရာကောင်းတဲ့ ဓလေ့စရိုက်တွေနဲ့ ဖော်ရွေတဲ့  တိုင်းရင်းသားညီအစ်ကို မောင်နှမတွေက ဆီးလို့ ကိုနေမှာပါ။

(၅၈) ကြိမ်မြောက် ကယားပြည်နယ်နေ့ ပွဲတော်ကို ပထမဦးဆုံးအကြိမ်အဖြစ် လာရောက်ဖျော်ဖြေခဲ့တဲ့ Iron Cross တေးဂီတအဖွဲ့သားတွေကို ကရင်နီပြည်က ပရိသတ်တွေရဲ့ ရင်ထဲမှာ မေ့မရနိုင်လောက်အောင်ပင် သမိုင်းသွင်ခဲ့ပြီ။ နောင်နှစ်ကယားဒေးကို လာဖြစ်ရင် “ကယားဟာလဲ ကရင်နီပါ” လို့ IC စတိတ်စဉ်ပေါ်က ဟိန်းလာသံကို ကြားရမယ်လို့ မျှော်လင့်ရင်း…